Положение Конкурсы

БУРЯАД ЗОНОЙ УЛАСХООРОНДЫН “АЛТАРГАНА-2006” НААДАН ТУХАЙ ДҮРИМ

Буряад зоной уласхоорондын “Алтаргана-2006” наадан тухай Дүрим республикын Эмхидхэлэй хорооной 2005 оной ноябриин 10-най суглаанай 1-дүгээрэй Протоколоор баталагдаа.

I. ЮРЭНХЫ ДҮРИМҮҮД

Наада эмхидхэн байгуулагшад болон эмхидхэлшэд:

• Буряад Республикын Президент;
• Буряад Республикын Арадай Хурал;
• Буряад Республикын Правительство;
• Улаан-Үдэ хотын Захиргаан;
• Буряад Республикын Муниципальна байгуулгануудай захиргаанууд;
• Бүгэдэ буряадуудай соёлой хүгжэлтын эблэл.

Буряад Республикын Правительствын Захиралтаар баталагдаһан бүридэлтэй Эмхидхэлэй хороон ниитэ хүтэлбэри бэелүүлдэг.

Наада эмхидхэлгын газар: Буряад Республика, Улаан-Үдэ хото.

Үнгэргэлгын болзор: 2006 оной июниин 30 – июлиин 03.

II. НААДАНАЙ УГ ЗОРИЛГОНУУД

Буряад зоной заншалта соёл болон спортын үндэһэн зүйлнүүдые һэргээхэ, сахиха, хубилгаха хэрэгтэ али бүхы талаһаань туһалха, нүлөөлхэ, искусство, уран зохёол, кино болон спортдо, мүн бүхы социально-экономическа хүгжэлтэдэ туйлагдаһан эрхим амжалтануудые харуулха гээшэ энэ нааданай гол зорилго болоно.

Нааданай гол зорилгонууд:

• буряад зоной оюун ухаан бодолой нэгэдэлэй үзэл бодолые, угсаатанай үгэеэ ойлголсолгые бүрилдүүлэн нэбтэрүүлгэ, ургажа ябаа залуу үетэниие, залуушуулые арадайнгаа олон зуун жэлэй соёлой ёһо заншалнуудай, спортын үндэһэн зүйлнүүдэй аша туһаар хүмүүжүүлгэ;
• арад түмэнэй оюун ухаан бодолой үнэтэ баялигуудые хубилгалга, арадай соёлой эрхим туйлалтануудые, арад зоной ёһо заншалнуудай, гуримуудай, ёһололнуудай гүнзэгы удхые, сэсэн мэргэн байлгые харуулха хэрэгтэ туһалалга;
• арадай олзоборинуудые хүгжөөлгэ;
• нютаг нютагай уран һайханай онсо өөрсэ ёһо заншалнуудые саашадань хүгжөөлгэ;
• уран һайханай коллективүүд, дуушад болон хатаршадай зохёохы ургалта хүгжэлтые урмашуулга;
• спортын үндэһэн зүйлнүүдые сахилга болон хүгжөөлгэ;
• элдэб наһанай хүнүүдые, илангаяа үхибүүд болон залуушуулай бэеынгээ тамир дээшэлүүлхэ, спорт эрхилхэ саг үргэлжын хэшээлнүүдтэ элсүүлэн хабаадуулга;
• ниитэ хүн түрэлтэнэй угай баялигуудта, бэеын тамирай ба оюун ухаан бодолой уг зорилгонуудта хүнүүдые хабаадуулга;
• экономикын, оюун ухаан бодолой болон бэеын тамирай хүгжэлтэдэ можо нютагууд хоорондын харилсаае, холбоо барисаае бэхижүүлгэ;
• Россин болон гадаадын аяншалагшадые хабаадуулга, буряад арадай заншалта соёлой уран һайханай туйлалтануудые дэлгэрүүлгэ.

III. НААДАНДА ХАБААДАГШАД

Буряад Республикын аймагуудай, Агын болон Усть-Ордын Буряадай автономито тойрогуудай, Эрхүү болон Шэтэ можонуудай, Монголой ба Хитадай делегацинууд, Россин Федераци болон СНГ-дэ ажаһуудаг буряад зон нааданда хабаадаха.

IV. НААДАНАЙ ЗОХЁОХЫ МҮРЫСӨӨНҮҮД
БА ТЭДЭНЭЙ ГОЛ ДҮРИМҮҮД

1. “Буряад хүнэй нэгэ үдэр” гэһэн аман зохёолой коллективүүдэй мүрысөөн;
2. Арадай дуунуудые гүйсэдхэгшэдэй мүрысөөн;
3. Мүнөөнэй буряад дуунай мүрысөөн
4. Арадай уран һайханай бүтээлнүүдэй үзэсхэлэн;
5. Үльгэршэдэй, магтаал шүлэгүүдые түүрээгшэдэй мүрысөөн;
6. “Дангина” гэһэн үндэр нэрэ зэргэдэ хүртэхын түлөө мүрысөөн;
7. Бураяд арадай заншалта һэеы гэрэй харалга-мүрысөөн;
8. Хэблэлэй зүйлнүүдэй үзэсхэлэн;
9. Мүнөөнэй архитектурын түлэбүүдэй үзэсхэлэн;
10. “Буряад хубсаһан. Ёһо заншал ба мүнөөнэй байдал” гэһэн модельернүүдэй мүрысөөн;
11. Залуу буряад шүлэгшэдэй мүрысөөн.

V. СПОРТЫН МҮРЫСӨӨНҮҮД БА ТЭДЭНЭЙ ГОЛ ДҮРИМҮҮД

Буряад Республикын аймагуудай, Агын болон Усть-Ордын Буряадай автономито тойрогуудай, Эрхүү болон Шэтэ можонуудай, Монголой ба Хитадай делегацинууд, Россин Федераци болон СНГ-дэ ажаһуудаг буряад зон мүрысөөнүүдтэ хабаадаха. 1988 он хүрэтэр түрэһэн, врачай зүбшөөлтэй спортсменүүд делегацинуудай бүридэлдэ оруулагдаха.

Спортын мүрысөөнүүдэй программа:

1. Буряад арадай бүхэ барилдаан;
2. Буряад дүримөөр һур харбалга;
3. Мори урилдаан;
4. Шатар;
5. “Эрын гурбан наадаар” мэргэжэл шадабаряа харуулалгын мүрысөөн.

Вверх

Положение Конкурсы